• La Inmaculada Ikastetxea pertsonaren garapen osorako bideratutako eskola kristau eta bizentiarra da; euskal kulturan eta egungo errealitate sozial eta kulturalean murgildua, mende batean zehar Hernaniarren zerbitzuan.
• Hezkuntza-elkarte gogotsu eta dinamikoa osatzen dugu. Ikasleen garapen pertsonala eta akademikoa jomuga dugularik, etengabe formatzen eta baliabide didaktiko berrien bila gabiltza.
• Pertsona arduratsuak eta ahalik eta hobekien prestatuak heztea da gure ikastetxearen xedea; azken finean, pertsonari espiritu kritikoa ezartzea eta ingurukoekin lankidetzan jarduteko borondatea lantzea.
Ikasleen prestakuntza osoaren alde lan egiten dugu, pertsonaren, bizitzaren eta munduaren ikusmolde kristauaren arabera.
• Beharrik handienak dituztenen aldeko apustua egiten dugu, bai maila ekonomikoan, bai intelektualean, bai besteren batean.
• Jesusen Berri Onaren baloreen arabera hezten dugu, eta hauen bidez Jainkoaren Maitasuna ezagutzera ematen dugu.
• Justiziaren eta guztiekiko elkartasunaren aldeko konpromisoa bultzatzen dugu, gizartean beharrezkoa den hobekuntzan eta aldaketan biziki parte hartuz.
• Gure ingurunetik abiatuz, hau da, Hernanitik, euskal kultura eta euskara zabaltzeko konpromisoa hartzen dugu, beste errealitate soziokultural batzuen aberastasunari begiak irekiz.
RSS